9 خطوات للحصول على جسم رشيق وقوام مثالى

9 خطوات للحصول على جسم رشيق وقوام مثالى

السمنة وزبادة الوزن تعتبر عائق للرشاقة وتؤثر على المظهر الجمالى للمراة ،ولا يعتبر الافراط فى تناول الطعام هو السبب الوحيد للسمنة وزيادة الوزن ولكن ترجع اسباب زيادة الوزن الى عوامل اخرى نفسية مثل الغضب والتوتر والاهمال فى ممارسة نشاط رياضى ،وللتخلص من السمنة وزيادة الوزن نقدم لك اليوم من خلال موقع صحتك اليوم 9 خطوات للحصول على جسم رشيق وقوام مثالى وهى :

وزن نفسك بانتظام
اثبتت الدراسات ان معرفه وزنك كل يوم ممكن يكون المفتاح في خساره الوزن الزائد، فقد رصد الباحثون بجامعه مينيسوتا ان من فقد حوالي 5 كيلو في سنتين هم اللي كانوا ماشيين علي نظام غذائي وبيوزنوا نفسهم مره كل يوم، علي عكس الاشخاص اللي كانوا بيوزنوا نفسهم مره كل اسبوع فقدوا 2.5 كيلو.

الفكره انك كل ما ترصد وتتابع وزنك بشكل يومي، كل ما بيساعد علي سرعتك في استدراك الاخطاء اللي بتعملها اثناء الريجيم وبالتالي تقدر تصححها بشكل اسرع، لانك كل ما هتلاقي ان وزنك زاد هتعرف تظبط نظامك الغذائي بسرعه، وكل ما هتلاقي انك فقدت وزن كل ما هيشجعك انك تستمر علي النظام الغذائي.

مواعيد مشاهدة التلفزيون
مشاهده التليفزيون اكتر من ساعتين في اليوم بتؤدي الي زياده الوزن لانه بيقلل من نشاطك وحركتك وبالتالي بيقلل نسبه الحرق للدهون اللي في جسمك، والدراسات الحديثه اثبتت ان مشاهده التلفزيون اكتر من ساعتين في اليوم بيؤدي الي زياده السعرات الحرارية في الجسم بنسبه 7%، بالاضافه الي انه بيعمل علي فتح الشهيه وبالتالي يجعلك تفرض في تناول الطعام اثناء مشاهدته، ولذا نصحت الدراسات بتقليل عدد ساعات مشاهده التلفزيون الي ساعتين في اليوم.

حاول البحث عن انشطه تانيه في حياتك كبديل لمشاهده التليفزيون طول اليوم، وتقدر كمان تشتغل وانت بتتفرج، كمان يفضل انك تعمل اداء حركي اثناء المشاهده، خلال فتره الاعلانات، سواء بانك تعمل تمارين بسيطه زي فرد الزراعين او انك تتحرك في البيت وتعمل اي مجهود.

استعن بأصدقائك
فقدان الوزن بيحتاج دعما معنويا ونفسيا عن طريق تشجيع ومساعده اهلك او اصدقائك ليك، مكالمه اصدقائك 3 مرات في الاسبوع او اكتر بيساعدك علي استمرارك في عمليه فقدان وزنك وخصوصا لما تقول لاصدقائك علي النتائج اللي وصلت ليها ويبدوا اعجابهم بالانجاز اللي حققته هتحس ان عندك اراده اقوي وانك عاوز تفقد وزن اكتر.

الاكثار من الالياف
تعتبر الالياف من عوامل إنقاص الوزن الرئيسية حيث تساعد على ملىء المعدة وتقليل الشعور بالجوع والاحساس بالامتلاء والشبع لفترات طويلة .

5000 خطوه في اليوم
الانسان الطبيعي المفروض انه بيتحرك في اليوم علي الاقل 5000 خطوه ما بين الذهاب للعمل، والمهام اللي بتعملها في عملك، والقيام باعمال البيت.

للوصول للوزن المثالي وتحافظ علي صحتك، عليك بمضاعفه هذا الرقم، حيث ان له فوائد صحيه كثيره منها زياده نسبه الكوليسترول الجيد، وضبط ضغط الدم، وتحسين مستويات الجلوكوز.

المشي من التمارين اللي بتساعد علي انقاص الوزن، وتقليل نسبه الدهون في الجسم والارداف بشكل خاص، لذا ننصحك دائما بالمشي لمده ساعه علي الاقل يوميا.

الانتظام فى مواعيد النوم
اثبتت الدراسات التي اجراها بعض الباحثين في جامعه شيكاغو، ان قله النوم تتسبب في عدم التحكّم بهرمونات الشبع، وبالتالي الاحساس بالجوع المستمر، وبالتالي فان قله النوم قد تكون احد اسباب السمنه المفرطه وخصوصا عند النساء.

المعروف ان الانسان الناضج بيحتاج الي 7 ساعات نوم عميق، واللي بيعمل علي زياده قدره الجسم علي حرق الدهون، وبالتالي هيساعد في عمليه انقاص الوزن الزائد، بالاضافه الي تقويه الجهاز المناعي وزياده الصفاء الذهني، ونضاره البشره.

8 اكواب ميه يوميا
ينصح اطباء التغذيه بضروره تناول 8 اكواب ميه في اليوم، حيث وجدوا ان هذا المعدل يعمل علي فقد 3.5 كيلو من الوزن العام للجسم خلال سنه، لذا عليك بتناول المياه علي الريق وقبل الاكل بنصف ساعه وكمان قبل الحلويات وحتي قبل تناول العصير، لان الميه من العوامل الاساسيه التي تؤدي الي نقص الوزن لانها بتعمل علي زياده معدل التمثيل الغذائى للجسم (حرق السعرات الحراريه) وبالتالي انقاص الوزن.

وقد وجد بعض الباحثين الالمان ان تناول 2 كوب من المياه البارده بيعمل علي زياده معدل الحرق بنسبه 30%، وبيستمر تاثيرها لمده 90 دقيقه.

بالاضافة الى ان المياة تساعد علي نقل الدهون الي الكبد واللي بدوره بيحوّل الدهون لطاقه، وبالتالي فان قله الميه في الجسم بتعوق الكبد عن معالجه الدهون وبالتالي عدم فقدان الوزن.

وعلي الرغم من فوايد الميه الكتيره للصحه والجسم، كتير من الناس بتعتقد ان تناول المياه الغازيه بيعوّض الجسم عن كميه السوائل اللي بيحتاج لها، وطبعا ده غلط تماما، لان المياه الغازيه علي عكس المياه العاديه بتعمل علي زياده نسبه تخزين السعرات الحراريه في الجسم.

عدد ساعات العمل اليومية
اثبتت الدراسات ان نسبه كبيره من اصحاب الوزن الزائد بيعملوا اكتر من 8 ساعات عمل في اليوم وده بيؤدي الي زياده في الوزن بسبب ضيق الوقت لعمل نظام غذائي صحي وممارسه التمارين الرياضية، بالاضافه الي ان ضغوط العمل ممكن تؤثر علي زياده الوزن عن طريق تغير نسبه هرمون الكورتيزول في الدم واللي له تاثير مباشر علي زياده وزن الجسم.

حدّد وقت عملك والتزم بـ8 ساعات فقط في اليوم علشان يكون عندك الوقت الكافي لممارسه التمارين الرياضيه او اي هوايه بتحبها وكمان اتباع نظام غذائي صحي.

الاقلال من الكربوهيدرات

الاكل اللي بيحتوي علي نسبه كبيره من السكريات والكربوهيدرات بيسبّب زياده معدل السكر في الدم، وبالتالي يقوم الجسم بافراز الانسولين لتقليل نسبه الكسر في الدم، ويتم تحويله بعد ذلك الي دهون، وده اللي بيخلينا نشعر بالجوع بشكل اسرع بعد تناول وجبه من السكريات، وتستمر دوره الاكل غير الصحيه.

وفي البحث الذي اجراه دكتور “يون شنج ما” والذي قام فيه بدراسه النمط الغذائي لاكثر من 572 فردا، وجد ان الاشخاص الذين يتناولون اكلات تحتوي علي نسبه عاليه من السكر، يزيد وزنهم بمعدل اكبر من الاشخاص الذين يتناولون كميه سكريات اقل، كما لاحظ ان تقليل معدل تناول السكر بمقدار 10 نقاط يوميا يؤدي الي انقاص الوزن بنسبه 4.5 كيلو.

وينصح دكتور “يون شنج” بضروره قراءه نسبه السكريات والكربوهيدرات الموجوده في الوجبه قبل تناولها، ويمكنك استبدال المواد الغذائيه التي تحتوي علي نسبه سكر عاليه باخري تحتوي علي نسبه اقل.

=======================