كفتة لحم مشويه

من طرف واحد من الناس السبت مايو 07, 2011 2:23 am

لحمه مفرومه وأعمل فى الخلاط تتبيله عباره عن بصل أخضر وفلفل أخضر
وفلفل شطه و ملح و فلفل و قرنفل و بابريكا و قرفه وممكن بقدونس
وممكن تحطى شويه من توابل الكفته الجاهزه و أضربهم فى
الخلاط واعجنهم باللحم المفروم و أحطها بالتلاجه 3 ساعات مثلا.

بعدين أصبعها صوابع طويله وألفها حوالين الملعقه الخشب
علشان تبقى مفرغه ومستويه من النص. والجديد بقى إنى ألف كل صابع كفته فى
المومنيوم فويل زى البونبونايه وهكذا لحد ما أخلص كل مقدار الكفته وده شكلها قبل ما تدخل الفرن.

أدخلها الفرن تتشوى على درجة حرارة عاليه ولو نزلت دهون أرميها
و أكمل الشوى عادى فى الفرن وده شكلها بعد لما خرجت من الفرن.

وبعمل جنبها سلطة طحينه وسلطه خضرا وبطاطس محمره

===============